الصداقه جبل لا يتسلقه الا الأوفياء
اهلا بيكم واتمنى ان تقضوا وقتا سعيدا ونتمنى مشاركتكم وتسجيلكم

الصداقه جبل لا يتسلقه الا الأوفياء

رياضى ثقافى رومانسى اجتماعى
 
الرئيسيةالبوابةاليوميةس .و .جبحـثالمجموعاتالتسجيلدخول
نرحب بكم دائما فى منتداكم ونتمنى أن تقضوا وقتا سعيدا وان تنال مواضيعنا اعجابكم ونسعد دائما بمشاركتكم وابداء أرائكم
mido
ما استحق أن يولد من عاش لنفسة & احترام ذاتك يحترمك الأخرون & كن لله كما يريد يكن لك فوق كل ما تريد
ما استحق أن يولد من عاش لنفسة & احترام ذاتك يحترمك الأخرون & كن لله كما يريد يكن لك فوق كل ما تريد
بحـث
 
 

نتائج البحث
 
Rechercher بحث متقدم
المواضيع الأخيرة
» جرح الحبيب
الأحد يونيو 26, 2011 12:11 am من طرف amoula

» من هو الشخص الذي لا تنساه ولو مر عليك الزمان ؟
السبت يونيو 25, 2011 11:56 pm من طرف amoula

» تهنئة بمناسبة عيد ميلاد
الثلاثاء أبريل 12, 2011 3:00 pm من طرف amoula

» الفتاة تسأل والشاب يجيب
الجمعة فبراير 18, 2011 7:37 pm من طرف amoula

» الحب واشياء اخرى
الجمعة فبراير 18, 2011 7:11 pm من طرف fatmahassaan

» نصائح للبنوتات
الخميس فبراير 17, 2011 11:24 pm من طرف amoula

» نكتة العسكرى الصعيدى
الخميس فبراير 17, 2011 11:11 pm من طرف MSR SRM RMR

» مسجات في الحب
الخميس فبراير 17, 2011 11:11 pm من طرف amoula

» انظرو الى هذه الفتاة عندما اراد شاب ان يعاكسها ماذا فعلت؟
الخميس فبراير 17, 2011 11:02 pm من طرف amoula

ازرار التصفُّح
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 بحـث
منتدى
التبادل الاعلاني
احداث منتدى مجاني
التبادل الاعلاني
احداث منتدى مجاني
تصويت

شاطر | 
 

  دردشة بين ولد وبنت جامدة اوى

اذهب الى الأسفل 
كاتب الموضوعرسالة
mido
Admin
Admin
avatar

عدد المساهمات : 86
نقاط : 6208
السٌّمعَة : 3
تاريخ التسجيل : 26/03/2010
العمر : 30

مُساهمةموضوع: دردشة بين ولد وبنت جامدة اوى   الأحد فبراير 13, 2011 12:36 am

إنتشر اللون الوردى الملئ بالقلوب فى غرفة الشات إثر إختيار أوبشن الخلفية العاطفية

أحمد : هاى .. ممكن نتعرف

منى : وليه لأ

أحمد : مين معايا؟

منى : الأميرة المتمردة

أحمد : لا والله؟

منى : والنيعمة

أحمد : أهلا بالأميرة المتشردة آآقصدى المتمردة

منى (بقرف) : ايه العسل ده يا واد .. انت اسمك ايه ياض

أحمد : الفارس المجروح

منى : لا ألف سلامة .. وده بيرسول ولا شبشب؟

أحمد : لأ توكتوك .. بس توكتوك شبهك تمام

منى : وانت عرفت منين شكلى يا عم الدبدوب

أحمد (ضاحكاً) : من الصورة اللى انتى حطاها طبعاً

منى (بخجل) : دى صورة الصابوه بتاعى

أحمد : الخالق الناطق

منى : بقولك ايه .. بلاش طولة لسان .. ايه تلاقيح الجتت دى .. فكك منى بقى وروح

شوف لك حتة ناشفة تقعد فيها

أحمد : بشوقك .. انا بردو كمان هروح اشوف لى محل احذية تانى

منى : سلام

أحمد : سلام

(فترة من الصمت)

منى : وانت كام سنة؟

أحمد : أكبر منك بسنتين

منى : ياليلة ملزقة .. يا عم انجز

أحمد : خمسة وعشرين وربع

منى : إيه الربع ده ؟؟

أحمد : أصل أنا امى ولدتنى فى شوال، بس كان ابويا مسافر الخليج وعمتى كانت

بتقول إن أبــ

منى : خلاص يابا .. انتى هتجيبلى تاريخ السلالة

أحمد : وانتى كام سنة؟

منى : أصغر منك بسنتين

أحمد : يا صباح التباتة المعجونة رخامة

منى : انت مش هتبطل طولة لسان

أحمد : بقولك ايه مش ناقص دوشة .. سلام

منى : سلام

(فترة من الصمت)

أحمد : وانتى ساكنة فين؟

منى : المهندسين

أحمد : ياه .. ده احنا جيران اوى .. فين فى المهندسين

منى (بإرتباك) : وانت مالك فى المهندسين وخلاص .. انت هتيجى تكلم بابا ؟

احمد : صباح التدبيس .. شكلك ساكنة فى أرض اللوا

منى : ايه ده عرفت منين؟ آآقصدى فين أرض اللوا دى؟؟

أحمد : هأ .. وانتى بتدرسى ولا صايعة؟

منى : مخلصة آداب

أحمد : وعلى كدة بتعرفى تقرى؟

منى : طبعاً .. وبفهم لغة الحمير كمان .. اتكلم كدة

أحمد : بشوقك .. شكلك مش هتعمرى على ماسنجرى

منى : المكان بقى كله جاز

أحمد : الله يسامحك .. سلام

منى : سلام

(بعد فترة من الصمت)

منى : واللى فى الصورة أبو عضلات ده يبقى انت؟

أحمد : اه .. بس العضلات فوتوشوب

منى : وانت مين اللى عمل لك العضلات دى بالفوتوشوب؟

أحمد (بفخر) : أنا طبعاً

منى : وانت دارس فوتوشوب فى أنهى مقلب زبالة؟

أحمد : هتمثلى بقى .. الصورة دخلت عليكى ما تنكريش

منى : بصراحة دخلت عليا .. اول ما شوفتها افتكرتها معمولة ببرنامج الرسام بتاع

الويندوز .. ما تخيلتش انها فوتوشوب خالص.

أحمد : وعلى فكرة انا لاعب فيها بالفوتوشوب عشان اصغر عضلاتى شوية .. عشان

البنات بتنهار.

منى : طب حاسب يا عم المبنى لتنهار

أحمد : سلام

منى : سلام

(بعد فترة من الصمت)

أحمد : ممكن اشوف صورتك؟

منى : أوك هحطها بس هشيلها على طول .. عشان البقر عندى كلهم أونلاين

أحمد : طب ما تعملى للبقر اوفلاين عشان تبقى مختلفة عنهم

منى : مش فاهمة؟ بس شكلك بتشتم

أحمد : لا ياحبيبى اوعى تقولى كدة اخص عليكى تصدقى زعلت

منى : قشطة عليك .. ما انا كدة كدة هوريك صورتى وهمسحك بعدها

أحمد : موافق

(منى تضع صورتها لبضع ثوانى ثم تخفيها)

أحمد : انتى مرتبطة؟

منى : لأ ومش عايزة يا عم الفارس

أحمد : ولا انا .. تصدقى بدأت دماغك تعجبنى .. ايوة كدة بلا ارتباط بلا وجع قلب

منى : شكلك واخد تسعين قفا على سهوة

أحمد : ما عاشت ولا كانت .. انا بس بحب عيشة الحرية

منى : قشطة عليك .. تعجبنى

أحمد : طب حيث إنك ساكنة فى بولاق الدكرور يبقى اكيد بتعدى على الجيزة؟

ماتيجى نتقابل

منى : لأ .. ما بنزلش الجيزة .. بعدى على انور السادات

أحمد : أنور ؟؟ حبيبى .. ده انا راشق هناك ليل نهار

منى : خلاص قشطات

أحمد : بكرة الساعة خمسة نتقابل فى اتجاه حلوان

منى : البس حاجة مميزة عشان اعرفك

أحمد : لأ هحط لك حزمة جرجير فى عروة القميص

منى : لأ دى تحطها فى .. طبق السلطة ..لا أنا اكيد هعرفك لإن أكيد كل اللى فى

المحطة هيبقى شكلهم محترم.

أحمد (لم يفهم) : ربنا يخليكى يا مزة

منى : اشوفك على خير

أحمد : اشوفك قدام عربية السيدات

منى : سلام

أحمد : سلام
الرجوع الى أعلى الصفحة اذهب الى الأسفل
http://golyana.ahlamontada.com
 
دردشة بين ولد وبنت جامدة اوى
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الصداقه جبل لا يتسلقه الا الأوفياء :: قسم النكت والفرفشه-
انتقل الى: